一個中佬朋友，飲酒冇問題，搬酒就出咗問題。三年前在一次搬完一箱酒後，當晚已覺得腰骨尺尺痛，佢以為卒咗松節油就無事。但是。。。。

最近這一年，腰痛漸漸嚴重，間中瞓唔著，痛楚由腰部直落到小腿。我這朋友和一般香港男性的通病，就是鴕鳥，當睇唔到，諱疾忌醫，拖得要拖，直至最近晚晚瞓唔到。

這位朋友其實識醫生無數...也是醫療界人...但都是忍住先...

終於決定找一間新醫院，試下....

由於痛楚近腎部，醫生建議詳細檢查，也睇吓有冇腎石或前列腺有冇問題。
這個睇病過程，值得大家分享（待續）

小時候，我們被灌輸的護士形像是白衣天使。隨著我們長大後，實際版是與讀書時課本告訴我們的形象（南丁格爾）是完全唔同。基本上以我的經驗，大部分天使都是黑口黑面，十問九唔應，有時仲閙你多事。佢哋話工作壓力大喎，其實病人在這陌生環境壓力仲大呢，係唔係應該接受這黑面的服務呢。

但我在這次陪診的經驗令我刮目相看。改變了！！！

首先制服顏色舒服，養眼，配搭友善的笑容已令中佬和我在於放鬆狀態。

在在問卷時，天使問中佬，你最近有冇暴瘦？中佬回答話"暴肥似D"。（中佬心在想 - good question, 無暴瘦表示前癌症的問題不大，放心啦）

到量血壓時，我八卦多口問点解我每次我係診所量血壓都比平時高十度八度。天使面帶笑容就話"先生，D個係好正常現，叫做"白袍效應"（White coat hypertension)，因為緊張而血壓升高"。 我心諗，佢竟然回答我，無覺得我阻著佢做嘢。專業，俾個大Like佢！

最後，中佬講述佢在照CT時（照脊骨和腰部），他突然感覺有幽閉恐懼症 （Claustrophobia），佢十分驚恐，馬下襟咗緊急停机制。天使立刻走過去，安撫中佬，也送上一杯溫水，再解釋這CT的運作，建議轉換入CT机的位，在Ready 後再做。（詳情，下回分解）

這次體驗，我記起小學書本的南丁格爾精神，她把病人於她專業的第一位。白袍只是有型（tangible）的東西, 服務精神才是無型（intangible)的東西, 是病人，家人和朋友所需要的切身感受經驗，與醫院型像掛勾。

待績。。
#腰痛
#南丁格爾
#白衣天使
#中佬腰痛

根據美國的WebMD網站，痛楚有二百幾種原因。靚仔醫生究竟係要點找出病因呢？

首先他從問卷中的答案已知道中佬冇暴瘦，癌症机會比較微。

所以靚仔建議用CT同磁力共振MRI, 檢查脊骨，腰部軟組織包括腎臟。

CT幅射性相對比較強，過程短，而MRI 則時間長，要躺入机器十分鐘，空間有壓逼感，仲有舊嘢不停咁嘈係個頭不停地轉三十分鐘，人都癲。上期講過中佬頂唔住幽閉恐懼症 （Claustrophobia）, 佢要等心情平靜後才做第二次才完成。所大將來做MRI 要有心理準備。

我覺得做MRI之前, 尤其第一次做的， 護士或放射性技術人員可多一些解釋，令人有心理準備，私家醫院可以在這方面做得貼身D。

覆診時中佬去睇成績表，今次趁這次机會我去做陪診義工，順便去學醫學知識。中佬自已都心大心細，以佢的醫療知識，應該係腎石或腰骨的問題，如果是腎石，咁就要入廠住兩日俾人揼石仔（腎石）。但似終要見到份報告先知道。




靚仔醫生好細心去解釋這份報告，" 恭喜你，報告話你冇腎石，但係從圖片和電腦顯示你的腰椎盤之間有點鬆咗，腰部肌肉已鬆弛，神經線受壓迫所以痛到落腳趾，係腰骨早期退化現象。有一個小問題，從圖片見到一個脂肪瘤，但此瘤好少會病變，可以不理"，中佬你食得太好就係咁㗎啦。

我是第一次見到電腦上的CT同MRI圖片，靚仔專業地移動滑鼠觀看腰部照片，我突然覺得佢好似用把刀切緊Iberia Ham(黑毛豬醃肉）, 每一片都清清楚楚見到它的結構, 對於腰部狀況一清二楚。現代醫療科技真是誇啦啦！

中佬終於找到了腰痛的元兇，但有什麼相對解決的方案呢？痛咗三年真是影嚮生活質素。
靚仔解釋"鍛鍊肌肉強度可以將腰椎盤慢慢拉回正確位置，腰椎神經線減少受壓會減少痛楚。可以去拉筋，做瑜伽係有幫助。這是中長期做法。長遠最好去游水和正確地在運動場跑步"。
"短期內可以做下物理治療，用紅外線或沖擊波可減少痛楚，如有需要可以食止痛藥, 但今次可以選擇食或唔食，自己決定"。

年紀大，机器壞。机器運得多也要保養。中佬今次得到全面性中肯解決方案，當然要付出$$$. 佢張醫療費用係多少錢，用什麼分式找數，結尾篇下回分解。





待續..

上篇講完優質快速服務和方案。大多數中產是要清楚流程，知道預算同要計數。

從有介紹信到診斷（前後共四天），張單係點計數呢？

急症室門診。 $320
X 光照片。 $270
介紹信轉骨醫

第一次專科門診 $1,000
交通費 $168
MRI 和 CT做影費 $10,310
第二次專科門診 $1,000
交通費 $134
不用食藥， 藥費 $0
埋單共。 $13,202

中佬好彩有買保險，否則佢要在東區醫院排期，等99星期。到時腰骨已再退化多99星期，只有更多痛苦，更長手尾。男人條腰好重要。

中佬埋單可以轆卡，在ATM轉帳. 我亦見到在ATM旁邊有一部保險公司Kiosk。它可以直接聯系電話熱線查訽客户自己的医療保障計畫內容及打印claim form，十分方面。





D個故事教訓我哋，有病要早醫，否則貼錢買難受。，亦奉勸有健康在職人仕為自已，為家人打算，可以揀適合保險計劃。否則冇收入冇健康，只有保險公司揀你。

祝大家身體健康。

（完）


#中佬骨痛
#袁智斌醫生

所以年青時必須做運動買保險

醫生好細心

全是態度

搬運姿態要正確

less or no drink la

忍唔到

我

讚

講咗咁耐，始終都係沒解決到腰痛問題，所謂查出病因但條腰仍然痛。我都碰過啲病人來睇時又話拍過片證實腰椎間盤突出，又有啲病人話拍片係生骨刺，我統統唔睇啲片，按我哋古法跌打去清瘀，結果少則二次多則五次，都解決晒問題。其實人一出世，背脊嗰條神經都俾周圍柔軟的筋腱肌肉包圍住，點解嗰時又唔痛依家先痛呢？係因為瘀血嘅原因，古代中醫有個理論“瘀血唔除，新血唔生”，包圍住神經啲筋腱肌肉由於瘀血存在，得唔到新鮮血液嘅濡養，逐漸變硬化，喺X光或MTR睇片就係白色，啲報告就話係骨刺或椎間盤突出壓迫神經而腰痛。如果將啲瘀血清走，啲肌腱有血營養而柔軟返唔頂住神經，腰痛味拜拜囉。

回覆: 講咗咁耐，始終都係沒解決到腰痛問題，所謂查出病因但條腰仍然痛。我都碰過啲病人來睇時又話拍過片證實腰椎間盤突出，又有啲病人話拍片係生骨刺，我統統唔睇啲片，按我哋古法跌打去清瘀，結果少則二次多則五次，都解決晒問題。其實人一出世，背脊嗰條神經都俾周圍柔軟的筋腱肌肉包圍住，點解嗰時又唔痛依家先痛呢？係因為瘀血嘅原因，古代中醫有個理論“瘀血唔除，新血唔生”，包圍住神經啲筋腱肌肉由於瘀血存在，得唔到新鮮血液嘅濡養，逐漸變硬化，喺X光或MTR睇片就係白色，啲報告就話係骨刺或椎間盤突出壓迫神經而腰痛。如果將啲瘀血清走，啲肌腱有血營養而柔軟返唔頂住神經，腰痛味拜拜囉。

已找到腰椎退化。肌肉訓練後已好轉

袁醫生也有指出女士可以健康地跑出靚身材

謝謝

試過真係幾實用，Tks

身邊好多朋友腰骨都有事！

姿勢不正確

肌肉鍛鍊好重要