很認同呂志和的說話 -「我諗吓退休做乜得㗎，睇日出？跟住睇日落？夜晚想辦法瞓覺，跟住做乜呢？」

退休族的無奈(無聊)，實不足為外人道。

祝大家都有精彩的生活！

---

未言退休　最怕無所事事 蘋果日報 2014-01-29

已屆耄耋之年的呂志和，雖然旗下超過3,200億元市值的上市王國早已交由五名子女各司其職，惟他仍然堅持要親自上陣，逐鹿商場。八十有五的他，仍不言退，除了望能繼續傳授經驗予接班人外，更是因為害怕退休後無所事事之苦。

勞碌大半生，許多人渴望能退休享清福，但呂志和卻大唱反調，對退休「耍手擰頭」，「你冇得逼我（退休）㗎喎，你唔逼得我㗎喎，你逼我唔到㗎，CY都逼我唔到……個個問我退休，我唔係唔想呀，我諗吓退休做乜得㗎，睇日出？跟住睇日落？夜晚想辦法瞓覺，跟住做乜呢？等死。我話唔值得呀」！

縱然呂志和嗜好多多，養魚、種羅漢松、攝影及打高爾夫球等，惟他仍然覺退休後無法將時間填滿，「賞魚你賞一陣咋嘛，你同佢游水呀」？
除了「怕悶」外，呂志和希望將其數十年在商場上累積的「功力」傳予下一代，亦是他堅持不退的原因，「咁好似我哋咁樣做咁多嘢，有多少經驗啦，咁樣有時睇得到啲嘢，幫吓啲後一代，睇到佢能夠喺呢條路行得好，你自己個心好安樂，好過同魚游水啦」！

雖然我仲未退得休，但就開始計劃定，同埋培養一些興趣，希望到時順利過度

你有無咩興趣平時做開的? 可以講出黎分享下~

Chan 寫了道：:
順利過度 我都怕到時不習慣 計劃定差不多了