25歲的Andy於2011年在公開大學畢業。他坦言紮鐵的薪金較高，吸引他入行一試。(受訪者提供)

為了愛情，你可以去到幾盡？80後大學畢業生Andy為了兩年內迎娶女友，5個月前「膽粗粗」進入地盤擔任「紮鐵新丁」，冀兩年後可以儲到30萬元「老婆本」。不過，地盤始終危機四伏，Andy在一個月前因為小意外而刮傷面頰，令女友相當心痛。Andy女友表示，天氣惡劣時會十分擔心男友安危，亦多次勸他停工一天，「但Andy佢唔肯，唯有叫佢小心啲。」

「你...你為了愛情當紮鐵新丁」

本港大型工程陸續上馬，建造業工人相當吃香，加上薪金遠較文職高，吸引不少年輕人投身行業。具大學學歷80後青年Andy，最近選擇進入工地，不怕辛苦做紮鐵工，為的原來是冀兩年內，儲蓄一筆金錢與女友結婚。但他認為高學歷在地盤工作的幫助有限，「沙紙」是還他選擇工作自由。(記者：黃啟安 圖：受訪者提供)
常言道，做人最緊要有理想。2011年於公開大學畢業的25歲Andy，5個月前毅然決定投身地盤，不怕辛苦和勞損，擔當一名「紮鐵新丁」。原來，這個決定的背後，是為了儲錢準備將來迎娶拍拖半年的女友。

滿腔大計的Andy表示，冀在兩年內儲30萬元「老婆本」，但以往文職工作薪金偏低，他說：「以往做嘅工一般得萬一、萬二左右，最高嗰份都係得萬六。但一個新人紮鐵一工(8小時)已經有900蚊，即係一個月已經有兩萬五至兩萬六左右，比以前嘅多一倍㗎！」

月薪多文職一倍

一場戀愛來臨，令Andy決定發奮向上，他不諱言這樣進取地「搵快錢」，是因為希望為女友帶來幸福，「可以話轉做紮鐵呢個決定，七成係為咗女朋友。如果唔係識咗佢，我可能會好似以往咁，夏天做救生員，冬天做其他工。」

不過，愛郎在危機四伏的地盤工作，Andy的女友難免會擔心，「可能隔籬工友唔遵守規則，就會發生意外。」一個月前的一個下雨天，Andy便不慎在工地滑倒而刮傷面頰，令女友相當心痛。Andy透露，多數的下雨天仍然回地盤開工。女友當然相當擔心及肉赤，她表示：「有時會勸佢停工一天，但佢唔肯，唯有叫佢小心啲。」

不慎滑倒刮傷面

紮鐵能「搵快錢」，畢竟十分辛苦，而且極易勞損。Andy坦言儲夠「老婆本」就會轉行，「始終身體負唔負擔到係最大問題。」他透露，或會考慮與朋友合組公司，投標私人游泳池救生員的合約，應付日後小家庭開支。

地盤工友少「暗戰」

雖然工作辛苦，但Andy坦言十分享受與工友之間的相處，形容是「明刀明槍」：「成班男人講嘢唔會有顧忌，即使做嘢時會好躁鬧人，但一收工就會無事，一齊去食嘢；但文職工作就好似『暗戰』咁，我好唔鍾意啲『辦公室政治』！」

他續說，以往文職工作不時需要加班工作，「但做地盤就話收工就收工、食飯就食飯。放工就唔使諗住工作，所以少咗好多無形嘅壓力。」

父親反對入行
Andy認為大學學歷對紮鐵沒有幫助。被問及會否感到「嘥咗」，Andy卻有此見解：「我會視『沙紙』係還我工作自由！如果我冇大學畢業去做紮鐵，啲人一定話我讀唔成書先做呢類工。」他透露從事建築行業多年的父親，對其決定十分反對，但他笑言：「我講完『自由』理論後，佢就冇反擊之力。」

入地盤 瞞學歷
地盤予人印象是學歷不高才會入行，大學生應該在舒適環境下工作。Andy透露身旁至少有7名工友有大學學歷，但從不會向老師傅透露，「一係話自己中三畢業，一係話啱啱毅進畢業。」Andy解釋是擔心地盤裏的冷言冷語：「如果佢哋知道就會講『大學生你咁高學歷，我咁低學歷，都唔好意思話你啦！』






成班男人講嘢唔會有顧忌，……文職工作就好似「暗戰」咁，我好唔鍾意啲「辦公室政治」！(80後紮鐵工Andy)▲Andy上月不慎弄傷面頰

據工會透露，現時行內仍欠缺逾3,000名熟練紮鐵工人，形容求才若渴。工會負責人續說，紮鐵工作無疑是辛苦，但如果大學生「識諗」的話，晉升的前途一片光明，月薪有望突破4萬元！
香港建造業總工會理事長周聯僑表示，現時行內約有6,000多名熟練紮鐵工人，但由於香港各項基建陸續「上馬」，預料本港在年底仍欠缺約3,000多名紮鐵工。

由於一名具一年半經驗的紮鐵工人日薪可達1,300元，周聯僑坦言，近來吸引不少新人查詢，當中有3名大學生。他透露，來查詢入行的大學生是希望挑戰自己，或是冀「搵多啲」養家。

學歷高易上位任判頭

隨着愈來愈多大學生投身建造業，周聯僑形容他們「識諗」，晉升階梯亦相當遼闊。他解釋：「大學生識英文，識睇地盤嘅文件，所以佢哋上位做判頭會好快。」

不過，「紮鐵新丁」Andy表示，判頭的工資始終不及地盤工友，所以不會考慮這條途徑。

周聯僑承認兩者薪金存有差距，但強調：「就算做判頭都有兩萬幾至3萬幾，都好過做文職好多啦！」

呢種工話就話人工唔差, 但日晒雨淋, 又多意外, 可以的話都唔好做