世盃錦囊

球迷引頸企盼的世界盃即將開鑼，但本港與主辦國巴西有11 小時的時差，球迷要「日出而作，日入而睇」捱夜睇波。有中醫師提醒捱夜會傷身傷眼；物理治療師指以「攤屍」姿勢睇波，會造成肌肉緊繃易傷背。
在中醫角度，一日的12個時辰和人體的12條主要經絡互相對應，所對應經絡上血氣會特別旺盛，故該經絡所管的臟腑亦較活躍。

屫長期捱夜分泌失調

今屆世界盃賽事主要集中在凌晨 12 時至早上 8 時，正是肝、膽、肺及大腸經絡循行時候，休息不足便易出現相關經絡疾病。
註冊中醫師陳洛志舉例指，肝膽經絡失滋養會影響精神，易緊張、煩躁不安、 記憶力下降等。如長期捱夜，女士會內分泌失調、經期不順；男士則會出現經常尿急、腰痠及性能力下降。他建議球迷盡量爭取充足睡眠，「如果同日有多場賽事，應盡量揀喺夜間 11點至凌晨 3點先瞓，再起身睇賽事。」

中場休息應拉筋

另外，不少人愛以「攤屍」姿勢躺在梳化上睇波，註冊眼科視光師關國輝表示，長期用不正確角度看電視，加上深宵在黑暗環境睇波，雙眼長期面對強光 ，會影響視力，令眼睛疲勞 。他提醒睇波後盡量爭取時間休息，讓雙眼自我修復。
物理治療師鄺凱恒亦說，躺在梳化上側頭睇波，會令脊椎欠缺支撐，易致脊骨移位及慢性肌肉勞損，產生痠痛，「曾有四十幾歲球迷嚟求醫，話睇到入波時，心情興奮下彈起慶祝，突如其來嘅動作令佢拉傷肌肉，出現背痛。」
她建議球迷選擇有椅背的座椅，避免攤坐令腰背缺乏承托；又可在中場休息時，做一些簡單的拉筋動作放鬆肌肉。

經絡臟腑活躍時段
時間 經絡 / 臟腑 相關疾病
23:00至1:00 膽 情緒
1:00至3:00 肝 內分泌、婦科、泌尿
3:00至5:00 肺 呼吸道、皮膚
5:00至7:00 大腸 腸道



睇到入波時，心情興奮下彈起慶祝，突如其來嘅動作令佢拉傷肌肉，出現背痛。(物理治療師鄺凱恒)
▲球迷可在中場休息時，用毛巾協助，做一些簡單的拉筋動作。（周翠彤攝）



▲中醫師陳洛志（圖左）與眼科視光師關國輝（圖中）。


http://www.metrohk.com.hk/index.php?cmd=detail&categoryID=7