網球運動樂趣

多年來遍訪/求診中西名醫，物理治療，針灸，傷患始終未能根治。相熟骨科醫生屢勸掛拍, 無奈熱愛網球運動, 唔打波, 失去好多樂趣, 兼會被網球蟲咬, 週身痕癢, 強力無比膏都難以遏止。一直提醒自已, 因住打, 就住打, 奈何多次球聚, 賽事都越打越投入, 越打越high, 進入忘我境界, 再度觸發舊患!
最近一次受傷實錄:
已冇打比賽好幾年都是因傷患間中復發。每次都是因傷退出或因傷患而表現欠佳。年前復出參加元老網球總會舉辦65歲以上超壯年元老錦標賽, 以為體能尚佳, 足可應付任何同齡長者球手, 重溫舊夢, 捧多隻獎盃返屋企。豈料對方一出手已知是技術高超, 比賽經驗豐富能手。體能甚佳, 跑前奔後, 走左走右, 健步如飛(當然亦因自己技術所限, 球速太慢, 角度不夠刁鑽)。完全不似65歲以上長者, 真懷疑冒名頂替。賽事一直處於下風, 被動, 只能跟隨對方節奏, 陷於苦戰。戰至第6或7局(比賽以8局分勝負), 為救險球而拉傷, 被迫退下火線, 兩舊水報名費就此泡湯。由此而種下禍根, 引發舊患, 持續疼痛數月, 惟有痛就停, 冇咁痛就打, 打吓停吓! 直至去年年頭, 始全面休息。熱愛之運動 - 打網球, 因長期勞損, 舊患, 年老關節退化而要停賽, 休養生息。真要以打油詩慨嘆之!
閒雲野鶴白髮翁
逍遙快活球場中
不為爭勝稱英雄
只求康體樂無窮
傷患纏身病魔狼
名醫勸誡將拍藏
晴天霹靂從天降
難展身手恨茫茫
老驥伏櫪志未忘
祈望他朝球場往
寶劍再度露鋒芒
盼與諸君切磋忙