唔少長者以往或者都因經濟或者社會環境，未必可以有個體面嘅婚禮。黛安知道，無國界義工每年都會為長者舉辦「跨世紀長者婚禮」，今年已經嚟到第十六個年頭，今年參加嘅長者都年過60歲，部分同伴侶共度50年金婚生活㗎啦。20對60歲以上嘅「銀髮新人」，會於下個星期日（17日）喺律師、子女同親朋見證下進行婚禮。今次活動參加嘅長者結婚年數合共達935年，其中，87歲黃炳和同76歲歐陽秀英，婚齡有53年，黃伯伯和歐陽婆婆經朋友介紹相識，依家黃伯伯年事已高，身體各個部位亦相繼出現問題，歐陽婆婆都繼續陪伴左右。當日大家會着住禮服同老伴重拾當年新婚嘅感動，婚禮當日除咗舉行典禮外，仲會有古董電車巡遊，等其他市民一齊分享喜悅。黛安聽到都覺得好感動啊。轉載資料來源：晴報