【Sunday Kiss】聖誕節有咩節目？想一家大細去玩就啱哂啦，因為今年東華又搞嘉年華啦！今年仲額外加設咗一個10呎高的大型銀幕作冬日極光投影，配合飄雪效果，聽到都覺得好浪漫啊。嘉年華仲要係免費入場添，不過地點就轉咗喺黃大仙摩士公園游泳池舉行，有興趣嘅朋友就快啲約埋親朋摯友一齊去感受吓裡面嘅「異國冬日氣氛」啦！
圖片：極光飄雪嘉年華官方網站

於黃大仙摩士公園游泳池舉行
「東華三院極光飄雪嘉年華」將會於12月18日至2017年1月14日舉行。不過要注意，今年地點不再是啟德郵輪碼頭，而是改為於黃大仙摩士公園游泳池舉行。為配合聖誕節，今次嘉年華以冬日歐陸色彩作主題，而重點在於今年新設的50呎闊x10呎高的大型銀幕作冬日極光投影，讓市民能在戶外欣賞全港首次最大型的冬日極光投影，屆時還會配合飄雪效果，讓大家可渡過一個浪漫冬日聖誕節。



一家大細都啱玩
嘉年華又點少得遊樂設施，今次嘉年華主要有大型充氣彈床及VR虛擬實境體感遊戲，一家大細都啱玩。另外亦有押花藝術、禪繞畫及蝶古巴特手工藝工作坊俾大家做小手工。除咗玩，又點少得影相打卡？大家可在歐陸小鎮和鐘樓留影，或與聖誕樹及聖誕木馬合照。不過，講到嘉年華又點可以冇嘢食？嘉年華裡面設有美食攤位，大家玩完影完一大輪，仲可以盡情食添。


今年東華嘉年華不設入場費，市民均可免入場。而12月24號同31號仲會開到凌晨。有興趣嘅朋友就快啲約埋親朋摯友一齊去啦。

日期：
2016年12月18日 – 2017年1月14日 （下午3時至晚上9時30分）

特別開放時間：
12月24日（下午3時至凌晨12時15分）、12月31日（下午3時至凌晨12時15）

地點：
黃大仙摩士公園游泳池

票價：
免費入場

前往方法：
乘港鐵到觀塘綫黃大仙站 C1出口，沿龍翔道前往摩士公園游泳池。

資料來源:NOW新聞