電影篇 (4) 周星馳電影
周星馳 - 頗具談論性電影從業員, 歷來最受歡迎喜劇巨星。更被電影人譽為近代最偉大喜劇演員, 其編導演作品俱有水準。令其大紅大紫之家有囍事, 仍不時在電視台重播。不知重播多少次, 觀眾仍樂此不疲。可能係重播次數最多電影。
喜劇 - 引人發笑, 令人絕倒。係一門非常困難, 有技巧及有不同層次之表演藝術。周星馳可説是近年最出色喜劇演員, 所度之笑位, 每每出人意表, 令人失笑, 會心微笑, 莞爾而笑, 開懷大笑, 失態狂笑, 消愁解悶。
周星馳之無厘頭計算很精凖, 惟近年已江郎才盡, 已不懂如何引人發笑矣! 繼少林足球, 功夫等非喜劇電影後已無佳作。其後轉型拍攝感人, 言之有物電影, 但並不成功。轉型第一部電影長江七號, 乏善可陳。之後全面退出幕前, 專注幕後工作。繼長江七號後, 美人魚刻畫人性醜惡, 為金錢利益污染環境, 殘害海洋生物, 對地球造成傷害, 作出控訴。尚算合格, 算是言中有物之作。雖然無喜劇作品面世, 周星馳魅力沒法擋。觀眾見到周星馳三字, 仍趨之若鶩, 賣票進場。每部電影都票房大賣, 高踞三甲。最近期賀歲電影喜劇之王2, 票房收益仍然高企, 但個人已無入場意欲矣!
周星馳編導演作品, 俱有水準, 當然亦有失手之時, 但亦捧紅不少參演之演員。以下評論其幾部代表作:
審死官
抄襲, 改編自馬師曾五十年代舊作(馬師曾-粵劇名伶及電影藝術家), 劇情幾乎完全一樣。加揷上自我表演, 梅艷芳及朱咪咪配合演出, 畫面熱鬧, 令影片全無冷場, 令人莞爾, 嘻哈絶倒。笑位大部份舖排在對白上, 大鬧公堂及戲弄官員場口, 可稱經典, 為升斗市民出一口烏氣。此片改編得非常成功。
唐伯虎點秋香
都是一貫手法, 以風趣, 無厘頭對白取勝。與谷德昭文鬥, 吟詩作對戲份為重頭戲, 所編對聯, 對白非常抵死, 好笑。唐伯虎妻妾在家中聚賭一場, 充滿黑色幽默, 武打動作編排亦覺悅目。朱咪咪在一場比武中, 意圖暗助星仔, 設計暗算決戰對手而弄巧反拙, 星仔稱呼朱咪咪名字, 埋下伏筆。戲中朱咪咪名叫朱茜(音:善或西), 令人失笑。其中一場評論當世高手兵器排名榜, 亦令人失笑 - 小李飛刀李尋歡並非第一, 在佢之上是其娘親, 即是小李老母飛刀。對白雖流於粗俗, 不雅, 但可唧到人笑。
食神
雖精警對白不多, 笑料亦稍欠, 惟拍來畫面熱鬧可觀。將食物作主題/主線, 借題發揮拍至叧一境界。其中對白:
"小心, 方丈好小氣㗎!" 至今仍被人引用作戲謔/調侃。
少林足球
將足球以功夫包裝, 將功夫溶入足球。星仔刻意改變風格, 頗為成功。全片甚少笑料, 但對白"地球好危險㗎, 快啲返火星喇!" 仍成為茶餘飯後引用笑語。
功夫
少有笑料, 即使有, 甚為牽強。將片中反派, 配角, 臨時演員醜化搞笑(其實此乃星派一貫作風, 搞笑技倆之一), 格調已轉為武打片。星仔拍來全無冷場, 熱鬧好看, 創造武打片另一風格, 境界。
近年周星馳已殫精竭慮, 江郞才盡, 退居幕後, 已無可觀作品。轉拍刻劃人性, 人情味影片, 並不見得成功。與其拿手好戲 - 喜劇, 實不可同日而語。