|
|
名人專欄 | 網絡作家 |
最新文章 | 日常生活 |
健康 | 牙齒保健 |
食譜 | 體育 |
經濟 | 手機/電腦 |
相片 | 其他 |
|
|
保健養生 | 時尚品味 |
家居雜貨 | 護老專區 |
專業服務 | 其他 |
|
|
中年健康 |
|
血糖血壓 | 心肝脾肺 |
腸胃消化 | 眼耳口鼻 |
腦脊神經 | 關節筋骨 |
男士健康 | 女士健康 |
精神情緒 | 中醫食療 |
頭髮皮膚 | 減肥增肌 |
時事財經 |
|
時事新聞 | 趣聞新知 |
投資理財 | 防騙專區 |
懷舊掌故 | 自由報料 |
興趣分享 |
|
旅遊 | 攝影 |
運動遠足 | 戲曲舞蹈 |
藝術文化 | 視聽娛樂 |
烹飪手工 | 其他 |
自組活動 | |
日常生活 |
|
自由吹水 | 二手買賣 |
飲飲食食 | 家庭社交 |
退休故事 | 手機APP |
|
|
會員福利 | 保健養生 |
家庭生活 | 旅遊娛樂 |
有機天然 | 眼鏡 |
樂活快訊 |
|
最新消息 | 意見反饋 |
101171687190
話題: 領匯懶理檔戶死活 街市逼裝八達通睇住科知講e啲!
領匯懶理檔戶死活 街市逼裝八達通睇住科知講e啲! 9 年 11 個月前 #1
|
SUN驚奇:領匯懶理檔戶死活 街市逼裝八達通睇住科知講e啲!
領匯陸續翻新公共屋邨街市,要求新簽約或續約的檔戶加裝八達通付款系統,聲稱可方便街坊買餸,不過檔戶既要每月支付二百至數百元的租機費,每單交易中亦要交手續費。有檔主反映八達通不適合街市經營模式,亦無助提升生意額。本報在多個街市發現,不少檔戶就算白繳租機費,亦寧將八達通機收起,免客人「嘟一嘟」而被分薄利潤。立法會議員批評領匯強制檔販加裝八達通機及要承擔租機費用,極不合理。 大部分樂富街市檔戶以雜物遮蓋八達通機,似對領匯作無聲抗議。 商戶朱先生不懂得操作八達通機,索性放進櫃底。 大部分街坊仍習慣以現金買餸,八達通繳款方式,於街市仍未普及。 友愛街市最近開始引入八達通機,商戶指全日無人使用。 樂富街市檔戶以各樣方法遮蓋八達通機,為免因用機而不斷上繳收入。 街坊點睇 楊小姐(藥材業):街市商舖都無講,都唔知道可以用八達通畀錢,如果知道都會試吓用。 黃小姐(主婦):我習慣用現金去買餸,平時都好少用八達通畀錢。 自接管公屋街市後,領匯銳意將街市打造得更現代化,先後於幾個翻新街市陸續引入八達通付款系統,包括大埔大元街市、黃大仙樂富街市、馬鞍山耀安街市、何文田愛民街市及屯門友愛街市。惟記者巡查後發現,雖然八達通付款被視為乾手淨腳,但檔主卻不受落,其中樂富街市每檔口都設有固定支架放置八達通機,但不少人以毛巾及雜物遮蓋,似作為對領匯的無聲抗議。 水果檔主怕麻煩冚機 「一啲都唔方便,一句講晒,麻煩!」以毛巾冚着八達通機的水果檔檔主林先生稱,街市檔加裝八達通機對生意無幫助,甚至變相「趕客」。林表示,裝置操作複雜且花時間,他先要以遙控輸入金額,再着客人拍卡付款,但他的檔口位於轉角,八達通機只得一部,他要同一時間應付兩邊過來的客人,收錢最緊要快,「一手收錢,一手交貨最有效率,唔通叫個客等一陣,又行過嚟呢邊,搞一大輪用八達通畀錢咩?隔籬左右都係賣差唔多嘢,你慢少少,啲客已經行咗去第二檔喇!」 另一個以紙皮遮蓋八達通機的檔主勞氣地表示,使用八達通機交易,要支付手續費,變相剝削他們的利潤;另一檔主更直言收費不透明,「只要你嘟一嘟,就要畀手續費,要收生意額嘅超過百分之一,實際都唔知點計。」因街市生意屬小本經營,不少檔主為求慳得就慳,寧願白繳租機費,亦避免因使用八達通而要不斷「科水」。 老夫婦不懂操作白裝 大埔大元街市是首個八達通付款系統的試點,記者於現場所見,多個檔口已安裝八達通機,但檔主卻反映,安裝至今兩年多,使用率偏低。經營草藥店多年的朱姓夫婦不諱言,街市翻新後就被要求安裝八達通機,但現時已將八達通機收進櫃底,原因是夫婦年紀大,他們根本不懂操作八達通機收費,初時曾試過使用八達通收錢,但嘗試多次都未能成功,「咗幾次都錯,我哋都費事拎出嚟啦!」八達通機安裝至今未曾派用場,但他們每月仍要向八達通公司交付約二百元的租機月費。 另一不願透露姓名的香燭檔老檔主,亦反映不懂操作八達通機,上月因使用量極低,已被八達通收回裝置。而即使檔主懂得使用,亦不見八達通付款系統應用普及,有檔主稱,每周只有數人會詢問或使用八達通付款,「唔覺八達通機可以幫我賺多幾多,連租機錢都唔夠畀啦!」 而最近裝修重開的屯門友愛街市,暫時只有少量檔口已開業,雖然大多數檔口已安裝或正安排裝八達通機,但依然乏人問津。「開咗成日檔都無用過!」一名菜檔檔主說。 商戶為簽約無奈屈服 據悉,商戶跟領匯簽新合約時會被要求裝機,即使商戶認為八達通機無必要,亦無法反抗,「佢同我講話,唔裝就無得簽約租舖,佢咁講,你可以唔裝咩?」商戶為求獲得租約,租下八達通機當「護身符」。他希望領匯可從善如流,按各檔戶的營運模式,讓商戶自行決定是否裝機。 立法會議員陳偉業批評,領匯強制要求街市檔戶加裝八達通機做法不合理。商戶要自行承擔租機費用等開支,變相令商戶收入減少,而且硬性規定裝機,亦是領匯不信任檔戶表現,不排除是想記錄他們營業額,「自己利益就要賺盡,但小商戶就要面對開支增加嘅問題!」 領匯發言人未有回應有否強制要求檔戶安裝八達通機,只稱有鼓勵檔戶採用相關服務,而領匯並無就電子貨幣服務的裝設及使用收取任何費用。發言人又稱,正陸續於更多已完成提升工程的街市,向商戶推介採用電子貨幣服務。對於檔戶的八達通機租金及手續費等收費,八達通卡發言人稱,與檔戶屬合作夥伴的商業安排,不便透露有關資料。 第一手消息請下載on.cc東網iPhone/iPad/Android 節錄自:昔日太陽 http://the-sun.on.cc/cnt/news/20140224/00410_097.html |
最後修改原因: 9 年 11 個月前 來自 火雅.
本論壇禁止訪客發言
|
版主: 樂活新中年幹事
【最新話題】
【近期熱門話題】