恭喜恭喜﹗現年31歲嘅欄王劉翔結婚了﹗有內地網民爆料指劉翔噚日同女友，前往上海市民政局領取結婚證，更被網民影到相，相中疑似係劉翔捧住鮮花，身邊仲挽着一名長髮女生，而劉翔父親接受內地傳媒查問時，就冇透露細節，只係話：「具體等明（今）天領證了再說。」

到今日，劉翔亦喺網上上載佢同未婚妻合照，相中兩人甜蜜挨着欄合照，並留言：「我最愛的它和她。」呢個「她」當然係指未婚妻，至於另一個「它」，梗係指呢位欄王最愛嘅欄呀﹗

另外，據內地傳媒透露，劉翔已同女友認識5年，佢哋係喺倫敦奧運會後，劉翔喺美國療傷期間確定關係。

到今午近兩點，葛天亦喺微博公佈戀情，佢貼咗張同劉翔合照，並說：「我最愛的人，最愛我的人，謝謝大家。」此外，劉翔及葛天嘅登記結婚照亦曝光！照片中，兩人身穿白色上衣，劉翔攬實妻子，笑容十分燦爛，而葛天手拿一束玫瑰，流露幸福表情。

轉載: http://hkm.appledaily.com/detail.php?guid=52881849&category_guid=7018882&category=instant&issue=20140909